Əvəzedicilər Liqası nə vaxt start götürəcək?

Əvəzedicilər Liqası qarşıdakı mövsümdə də keçiriləcək.

Futbolxeber.az saytının məlumatına görə, bu barədə Peşəkar Futbol Liqasının prezidenti vəzifəsini müvəqqəti icra edən Elgiz Abbasov deyib.

Ölkə çempionatının püşkatma mərasimində çıxış edən E.Abbasov qeyd edib ki, Əvəzedicilər Liqasına avqustun 3-də start veriləcək: “Bu liqa həm klublar, həm də futbolumuz üçün faydalıdır. Siz jurnalistlər də yazılarınızda qeyd etmisiniz ki, əvəzedici heyətdən əsas heyətə xeyli sayda futbolçular yüksəlib. Eləcə də cəza səbəbindən əsas heyətdən kənarda qalan futbolçular bu liqada şans qazanırlar”.