Millimizin futbolçusunun viza məsələsi həll olundu: “Sabahdan məşqlərə qoşulacam”

“Viza məsələm artıq həll olundu. Az sonra səfərə yollanacam. Artıq sabahdan millinin düşərgəsində məşqlərə qoşulacam. Hər şey qaydasındadır”.

Futbolxeber.az saytına açıqlamasında bu sözləri viza probleminə görə milli komanda ilə birgə 2 gün əvvəl səfərə yollana bilməyən Elvin Bədəlov deyib.

Təcrübəli müdafiəçi problemin səbəbini belə izah edib: “Deyildi ki, səfirlikdə sistemdə problem yaranmışdı. Tək mən yox, daha bir neçə nəfərə də viza verilməmişdi. Amma məsələ artıq yoluna qoyulub. Dediyim kimi, sabahdan millinin hazırlığına qatılacağam”.  

E.Bədəlov deyib ki, toplanışa gec qatılması hazırlıq baxımından ciddi problem yaratmayacaq: “Cəmi bir məşq buraxdım. Bu gün onsuz da oyundu. Hazırlığıma ciddi təsir etməyəcək. Yəqin ki, növbəti yoldaşlıq görüşünə qədər tam hazır olacağam”.

Fərəc ASLANOV