Gənclər Liqası: "Qəbələ"dən heç-heçə

“Qəbələ”nin 19 yaşadək futbolçulardan ibarət komandası UEFA Gənclər Liqasında mübarizəyə başlayıb.

Futbolxeber.az saytının məlumatına görə, Çempionlar yolunda qüvvəsini sınayan “qırmızı-qaralar” 1-ci mərhələdə Macarıstan təmsilçisi “Puşkaş Akademiya” ilə üz-üzə gəlib. Təmsilçimiz matça erkən qolla başlasa da, macarlar məğlubiyyətdən qaça biliblər.

Xatırladaq ki, komandalar arasında cavab oyunu oktyabrın 25-də Macarıstanda keçiriləcək. Bu cütün qalibi növbəti raundda "Olimpiakos" (Yunanıstan) - "Leççe" (İtaliya) duelində mərhələ adlayan komanda ilə qarşılaşacaq.

UEFA Gənclər Liqası

Çempionlar yolu, I mərhələ

4 oktyabr

“Qəbələ” (Azərbaycan) - “Puşkaş Akademiya” (Macarıstan) - 1:1

Qollar: Şahin Şahniyarov, 6 (1:0), Adam Umathum, 36-pen (1:1)

Baş hakim: Sayat Karabayev (Qazaxıstan)

Qəbələ şəhər stadionu