“Qarabağ”dan həmişəki kimi qrup mərhələsinə düşməyi gözləyirəm”

Veteran futbolçu Yunis Hüseynov “Qarabağ”ın UEFA Çempionlar Liqasındakı şanslarını dəyərləndirib.

Futbolxeber.az saytına açıqlamasında təcrübəli mütəxəssis qeyd edib ki, Ağdam təmsilçisindən qrup mərhələsinə yüksəlməyi gözləyir:

“Qarabağ”dan həmişə kimi qrup mərhələsinə düşməyi gözləyirəm. Amma hansı turnirin qrup mərhələsinə... Əlbəttə ki, Ağdam klubunun Çempionlar Liqasının qrupuna vəsiqə qazanmasını arzulayıram. Mənə elə gəlir ki, ilk mərhələdəki rəqibi “Qarabağ” asanlıqla keçəcək. Düşünmürəm ki, Cəbəllütariq klubu çempionumuza hansısa çətinlik yaratsın. Amma ikinci mərhələdə “Qarabağ”ın işi heç də asan olmayacaq. Düzdür, Çempionlar Liqasında zəif rəqib olmur. Lakin Polşa çempionundansa başqa bir rəqib olsaydı, daha yaxşı olardı. Hər halda digər klublarla müqayisədə Polşa çempionu güclü rəqibdi. Buna baxmayaraq, inanıram ki, “Qarabağ” bu rəqibin də öhdəsindən gələcək”.

Futbolxeber.az-ın teleqram kanalına abunə olun