"Azərbaycanlılar elə sevinirdilər ki..."

Rusiya millisinin aparıcı müdafiəçisi Vasili Berezutski Azərbaycanla oyundan danışıb. Futbolxeber.az-ın məlumatına görə, açıqlamasında Berezustki millimizin üzvlərinə də söz atıb: "Bu hədəfə doğru 2 il idi ki irəliləyirdik. Artıq istəyimizə çatdıq. Amma paltardəyişmə otağında ziyafət təşkil etmədik. Çünki 2-3 gündən sonra hər birimizin oyunu var. Əgər, bu oyun ilin sonunda baş tutsaydı, qələbəmizi lazımınca qeyd edərdik. Bu oyunda xeyli qol epizodu yaratsaq da, yalnız bir dəfə fərqləndik. Azərbaycan isə yeganə şansını qola çevirdi. Onlar heç-heçəyə elə sevinirdilər ki, sanki bizim yerimizə dünya çempionatına yollanacaqlar, ya da play-offa matçlarında oynayacaqlar".