"Azarkeşlərin reaksiyasını anlamadım"

"Tribunadakı atmosfer? Bunda qəribə heç nə yoxdu. Əsas odur ki, biz dünya çempionatına vəsiqə qazandıq". Futbolxeber.az-ın məlumatına görə, bu sözləri millimizlə oyundan sonra Rusiya millisinin aparıcı üzvü Aleksandr Səmədov deyib. Həmyerlimiz yerli publikanın reaksiyasını başa düşmədiyini bilidrib: "Anlamıram ki, yerli azarkeşlər nə üçün mənim meydana çıxışıma belə reaksiya göstərdilər? Azərbaycan millisini cəzalandıracağıq deyərkən, mən qələbə qazanacağımızı nəzərdə tutmuşdum. Mən yalnız nəticəni nəzərdə tuturdum. Azərbaycanlı futbolçular da bizi məğlub etmək istədiklərini deyirdilər". "Oyundan sonra Rəşad Sadıqovla nə haqda danışdınız" sualını Səmədov belə cavablandırıb: "Həyatdan. Normal şəkildə söhbət etdik".