“Neftçi” bu gün meydanda “Turan Tovuz”un etdiklərini edə bilmədi”

“Oyundan sonra futbolçularla söhbətim oldu. Onlara da dedim ki, bugünkü məğlubiyyətə görə çox danışmalı, çox səbəb axtarmalı deyillər”.

Futbolxeber.az saytının məlumatına görə, bunu “Neftçi”nin baş məşqçisi Laurentsio Regekampf ölkə kubokunun yarımfinalında “Turan Tovuz”a 0:1 hesabı ilə uduzduqları oyundan sonra deyib.

O, futbolçularının mübarizə aparmamasından gileylənib: “Biz sadəcə olaraq bu gün rəqibin etdiklərini edə bilmədik. “Turan Tovuz”un futbolçuları 90 dəqiqə boyunca qaçdılar, mübarizə apardılar. Rəqib əlinə düşən fürsətdən yararlandı”.