"O, "Qarabağ"a və Bakıya uyğunlaşmağım üçün mənə çox kömək etdi"

"Qarabağ"ın sabiq futbolçusu Miçel Madeyra İspaniyanın "Marca" nəşrinə açıqlama verib.

Futbolxeber.az saytının məlumatına görə, veteran yarımmüdafiəçi Ağdam təmsilçisinin sabiq baş məşqçi köməkçisi, hazırda "Sauthempton"u çalışdıran Ruben Selles haqqında danışıb.

O deyib: "Selles Bakıya və "Qarabağ"a öyrəşməyim üçün mənə çox kömək etdi. İki il yarımı birlikdə keçirdik. Selles matçların metodologiyasına cavabdeh id. O, analitik kimi çalışıb, rəqibləri öyrənib və eyni zamanda fiziki məşqçi kimi də işləyib. Məşqlərimiz həmişə çoxlu topa sahib olmaq və driblinqlər üzərində işləməklə keçirdi. Selles çox çalışqan insandır. O, İngilis dilini çox yaxşı bilir. həm də rusca. O, bunları öyrənmək üçün çox vaxt sərf edib. Sellesin böyük fədakarlığı var idi və çox metodik insan idi. O, çoxlu oyunlara baxırdı”.

Miçel Rubin Sellesin hamı ilə səmimi davrandığını bildirib: "O, "Qarabağ"da hamıya çox yaxın insan idi. Futbolçularla çox danışırdı, həmişə komandanın yanında idi. Onun bu sıçrayışı məni təəccübləndirdi. Amma Sellesin iş qabiliyyətinə görə təəccüblənmirəm. Bilirdim ki, əgər ona fürsət verilsə, yaxşı iş görəcək. Ümid edirəm ki, Rubin Sellez çox yaxşı baş məşqçilik edəcək".

Qeyd edək ki,  39 yaşlı mütəxəssis 2012-2014-cü illərdə "Neftçi"də, 2015-2017-ci illərdə isə "Qarabağ"da məşqçilik edib. Miçel isə 2015-2020-ci illərdə "Qarabağ"da oynayıb.