"Turan Tovuz"un legioneri: "Motivasiyam daha da artdı"

"Turan Tovuz"un futbolçusu Denis Marandiçi klubla müqaviləsini yeniləməsindən danışıb.

Futbolxeber.az saytının məlumatına görə, moldovalı müdafiəçi sözləşmənin uzadılmasına görə şad olduğunu deyib:

“İlk növbədə mənə göstərilən etimada görə klub rəhbərliyinə, baş məşqçimizə, məşqçi heyətimizə təşəkkürümü bildirirəm. Bizi daim dəstəkləyən azarkeşlərimizə də minnətdaram. Hər zaman onların dəstəyini yaxından hiss edirik və bu bizim üçün çox vacibdir. Böyük qürur və sevinc hissləri ilə müqavilə müddətimi uzatdım. Motivasiyam daha da artdı. Məqsədlərimizə çatmaq üçün çox çalışacağıq”.

Qeyd edək ki, tərəflər bu gün 1+1 illik müqavilə imzalayıblar.