Kadi: “Krasnodar”a keçmək mənim üçün irəliyə doğru bir addım deyil”

“Krasnodar"a keçmək mənim üçün irəliyə doğru bir addım deyil, amma burada özümü sübut etmək üçün çox yaxşı fürsətdir".

Futbolxeber.az saytının "RB Sport"a istinadən verdiyi məlumata görə, bu sözləri Rusiyanın "Krasnodar" klubunun yarımmüdafiəçisi Kadi Borges bildirib.

"İndi yüz faiz yeni komandama köklənmişəm. Mənim üçün bu, yeni bir fürsətdir. Mən kluba mümkün qədər çox kömək etmək və hər oyunda daha yaxşı çıxış etmək istəyirəm”, - deyə braziliyalı oyunçu qeyd edib.

O, yeni komandasında 3 oyunda meydana çıxıb. Kadi 2 dəfə Rusiya kubokunda, 1 dəfə isə yerli Premyer Liqa matçında komandasına kömək edib. Bu 3 görüşün hər birində braziliyalı start heyətdə yer alıb.

Xatırladaq ki, Kadi 2023-cü ilin yanvarında "Qarabağ"dan "Krasnodar"a transfer olunub.