"Rəvan" bərpaedici məşqə çıxdı

"Rəvan” futbol klubu Topaz Premyer Liqasının 24-cü turu çərçivəsində "Turan”ı məğlub etdikdən (6:2) sonra 1 günlük istirahətə buraxılmışdı. Futbolxeber.az-ın məlumatına görə, bazar günü dincələn futbolçular bu gündən məşqləri bərpa etdi.

Saat 16:00-da "Bayıl Arena”da başlayan məşq bərpaedici xarakterli oldu. Futbolçular fiziki hazırlıq üzrə məşqçi Rastislav Svitskinin nəzarəti altında təxminən 1 saat yüngül məşqlər etdi. Ardından kiçik zonalarda topu özündə saxlamağa çalışaraq futbolçular 1 toxunuşlu dəqiq ötürmələr üzərində işlədi. Sonra isə meydanın yarı hissəsində ikitərəfli oyun oldu.

Qeyd edək ki, zədə üzündən "Turan”la matçı buraxan Samuel Barlay da komanda ilə birgə məşqlərdə iştirak etdi. Başqa sözlə, düşərgədə zədəli futbolçu yoxdur.