“Şamaxı” yenidən formaya, “Səbail” isə fotoqrafa görə xərcə düşdü

Bu gün AFFA İntizam Komitəsinin iclası keçirilib.

Futbolxeber.az saytının məlumatına görə, Premyer Liqanın X turunun “Şamaxı” - “Qəbələ” oyununda “Şamaxı” klubunun 23 nömrəli futbolçusu Rövşən Şahmuradovun formasında adının və ya soyadının yazılmaması səbəbi ilə “Şamaxı” klubu 3000 manat cərimə olunub.

Xatırladaq ki, “Şamaxı” əvvəlki iclasda da eyni cəzaya məruz qalmışdı.

Premyer Liqanın X turunun “Turan Tovuz” - “Səbail” oyununda oyunun gedişində qonaq klubunun fotoqrafı meydana və VAR monitoruna çox yaxın durduğuna görə “Səbail” klubu 800 manat məbləğində cərimələnib.