Coşqun Diniyev 2 oyunluq cəzalandı

AFFA İntizam Komitəsinin iclası keçirilib.

Futbolxeber.az saytının məlumatına görə, Premyer Liqanın X turunun “Sabah” - “Zirə” oyununda qonaqların futbolçusu Coşqun Diniyev oyunun 84-cü dəqiqəsində ikinci xəbərdarlıq almaqla qırmızı vərəqə ilə meydandan kənarlaşdırıldığı üçün 1 oyun cəzalanıb, klub 200 manat cərimə olunub.

Coşqun Diniyev qırımızı vərəqə alaraq meydanı tərk etdikdən sonra stadionun giriş qapısının şüşəsini sındırdığı üçün daha 1 oyun cəzalanıb, klub 2400 manat cərimə olunub.

Digər qərara əsasən, Diniyev tərəfindən dəymiş zərər “Zirə” klubu tərəfindən stadion sahibinə kompensasiya edilsin.

“Sabah” - “Zirə” oyunu bitdikdən sonra kənar şəxslərin meydana daxil olmasına görə “Sabah” klubu 1600 manat məbləğində cərimə olunub.

Həmçinin, oyun zamanı “Zirə” klubunun azarkeşləri tərəfindən nalayiq və təhqiridici sözlərdən istifadə edildiyinə görə “Zirə” klubu 4000 manat məbləğində cərimə olunub.