Bakının namizədliyi təsdiqləndi

UEFA İcraiyyə Komitəsinin Xorvatiyanın Dubrovnik şəhərində təşkil olunmuş iclasında 2020-ci ildə keçiriləcək Avropa çempionatının oyunlarına ev sahibliyi etmək istəyən şəhərlərin namizədliyi təsdiq olunub. uefa.com saytının məlumatına görə, 13 şəhərdə keçiriləcək oyunlar üçün 32 milli assosiasiya ev sahibi olmaq istəyini bildirib. Namizədliyi təsdiq olunmuş şəhərlər arasında Bakı da var.

Ümumi siyahını diqqətinizə çatdırırıq:

İngiltərə (London), Azərbaycan (Bakı), Ermənistan (Yerevan), Belarus (Minsk), Belçika (Brüssel), Bolqarıstan (Sofiya), Makedoniya (Skopye), Macarıstan (Budapeşt), Almaniya (Münxen), Yunanıstan (Afina), Danimarka (Kopenhagen), İsrail (Yerusəlim), İrlandiya (Dublin), İspaniya (Madrid, Barselona, Bilbao, Valensiya), İtaliya (Roma, Milan), Qazaxıstan (Astana), Niderland (Amsterdam), Polşa (Varşava, Xojuv), Portuqaliya (Lissabon, Portu), Rusiya (Sankt-Peterburq), Rumıniya (Buxarest), Serbiya (Belqrad), Türkiyə (İstanbul), Ukrayna (Kiyev, Donetsk), Uels (Kardiff), Finlandiya (Helsinki), Fransa (Lion), Xorvatiya (Zaqreb), Çexiya (Praqa), İsveçrə (Bazel), İsveç (Solna), Şotlandiya (Qlazqo).

UEFA İcraiyyə Komitəsi şəhərlərin yekun siyahısını 2014-cü il sentyabrın 25-də təsdiqləyəcək.