Ruslan Abışovun "Maribor"a qarşı oynamamasının səbəbi bilindi

Millimizin müdafiəçisi Ruslan Abışovun çıxış etdiyi "Rubin" dünən Avroliqanın qrup mərhələsinin ilk turu çərçivəsində səfərdə "Maribor"u 5:2 hesabı ilə darmadağın edib. Futbolxeber.az-ın məlumatına görə, bu görüşdə Ruslan Abışovun adı matçın protokoluna daxil edilməmişdi. Abışovun kənarda qalması səbəbsiz deyil. Belə ki, təcrübəli müdafiəçi məşqlərin birində zədə alıb. Futbolçumuzun durumu ciddi olmasa da, həkimlər onun 1 həftəlik istirahətə ehtiyac duyduğunu bildiriblər. Bu səbəbdən də Ruslan təkcə "Maribor"a qarşı deyil, həm də həftə sonu Rusiya Premyer Liqasında "Rubin"in "Toma"a qarşı keçirəcəyi matçı kənardan izləyəcək.