Sloveniya toplanışının 5-ci günü

“Neftçi” yeni mövsümün hazırlığını davam etdirir.

Futbolxeber.az saytının məlumatına görə, Sloveniyanın Kranyska Qora bölgəsində yerləşən “Ramada Hotel & Suites”də məskunlaşan “ağ-qaralar” təlim-məşq toplanışının 5-ci günündə əsasən toplu çalışmaları yerinə yetirib.

Toplanış çərçivəsində ilk yoxlama oyununu iyunun 21-də Sloveniyanın “Olimpiya” (Lyublyana) klubuna qarşı keçirən (1:1) “Neftçi” bu gün Bakı vaxtı ilə saat 20:00-da bu ölkənin “Domjale” komandası ilə görüşəcək. Flaqman iyunun 29-da Moskva “Spartak”ı ilə üz-üzə gələcək.

Qeyd edək ki, “Neftçi” UEFA Çempionlar Liqasının I təsnifat mərhələsində Gürcüstanın “Dinamo” (Tbilisi) klubu ilə üz-üzə gələcək. İlk oyun iyulun 7-si Bakı vaxtı ilə saat 20:00-da Boris Payçadze adına “Dinamo Arena”da, cavab matçı isə iyulun 14-ü saat 21:00-da “Bakcell Arena”da baş tutacaq.