“Neftçi” “Panatinaikos”un hücumçusunu transfer edir?

"Neftçi" yarımmüdafiəçi Vangelis Platellasın gedişindən sonra daha bir yunanıstanlı futbolçuya maraq göstərir.

Futbolxeber.az saytının məlumatına görə, Avroliqadakı təmsilçimiz “Panatinaikos”un hücumçusu Dimitrios Kolovosu heyətinə cəlb etmək fikrinə düşüb.

“Ağ-qaralar” Avropa Liqasının II təsnifat mərhələsində sentyabrın 17-də qarşılaşacağı “Qalatasaray”la görüşə qədər bu keçidi həll etmək niyyətindədir.

Afina klubu isə Kolosovu satmağa yox, onu icarəyə verməyə razıdır. “Neftçi” və futbolçu özü bu şərtlərə razı olsa, keçid tezliklə reallaşacaq.

Qeyd edək ki, millisinin sabiq üzvü olan Dimitrios afinalılarla müqavilə müddəti 2022-ci ilin yayına qədərdir. Futbolçu hücumun əsasən sol cinahında yer alsa da, mərkəzdə və sağda da oynamağı bacarır (Sport24.az).