"Xəzər Lənkəran" 3 transfer reallaşdırır ÖZƏL

"Xəzər Lənkəran" klubu 3 transfer reallaşdırmağa yaxındır. Bu haqda Futbolxeber.az saytına eksklüziv olaraq, klubun mətbuat xidmətinin rəhbəri Hüseyn Cəbrayıloğlu məlumat verib: "Hazırda Mario Souza Con Toşakla bu haqda müzakirələr aparır. Qarşıdakı günlərdə Souza 2 yeni futbolçu gətirməlidir. Bu oyunçularla artıq danışıqlar gedir. Keçidləri 90-95 faiz reallaşıb. Yalnız həll olunmalı xırda detallar qalıb ki, bura futbolçuların Bakıya gəlişi, rəsmi müqaviləyə imza atmaları və s. məsələlər daxildir. Ümid edirik ki, ortaya hər hansı problem çıxmayacaq və keçidlər rəsmiləşəcək. İndidən həmin oyunçuların adlarını və mövqelərini deyə bilmərəm. Toşakın komandaya cəlb etmək istədiyi başqa bir oyunçu da var. Onunla da danışıqlar gedir. Artıq proses yekunlaşmaq üzrədir. İnşallah, hər hansı bir gözlənilməzlik baş verməsə, transfer pəncərəsi bitənə qədər hər 3 futbolçunun transferini reallaşdıracağıq".