"Azərbaycanla görüşə qələbə üçün çıxacağıq"

"Bakıda hava soyuqdu. Ancaq biz oyuna hazırlaşırıq. Buraya tez gəlməyimizin səbəbi, buraya öyrəşmək istəyimizdi". Bu sözləri Futbolxeber.az saytına açıqlamasında Farer adaları yığmasının üzvü Vilyormur Davidsen deyib.

Millətlər Liqasının qrup mərhələsinin beşinci turu çərçivəsində Azərbaycanla qarşılaşacaq Farer adaları yığması Bakıdan qələbə ilə ayrılmaq istəyir. Davidsen də qələbəyə inananlardandı: "Azərbaycan yığmasının güclü komanda olduğunu bilirik. Amma biz evdə onlara qarşı çox yaxşı oynadıq. Sadəcə epizodları reallaşdırmada problem oldu deyə, alınmadı. Bakıda isə düşən epizodları daha dəqiq yerinə yetirməyə çalışacağıq.

Bakıda qalib gəlmək mümkündü. Ancaq bu alınacaq, ya yox, zaman göstərəcək. Hər halda biz qələbə üçün oynayacağıq".