Rene Yoensen: "Azərbaycanı evdə məğlub edə bilərik"

Farer adaları yığmasının müdafiəçisi Rene Yoensen Futbolxeber.az saytına açıqlama verib.

Millətlər Liqasının qrup mərhələsi çərçivəsində Azərbaycanla qarşılaşacaq Farer adaları bu görüşdən qələbə ilə ayrılmaq istəyir. Saytımıza danışan Farer adaları millisinin üzvü görüşü bu cür dəyərləndirib: “Azərbaycanla görüşə hazırlığımız davam edir. Biz bu görüş haqda pozitiv düşünürük.

Kollektiv olaraq inanırıq ki, Azərbaycanı evdə məğlub edə biləcəyik. Evdə Maltanı məğlub edə bildik. Halbuki oyundan öncə bizə şans verənlər çox deyildi. Azərbaycanla görüşdə rəqib favorit kimi görünə bilər. Amma mən onları məğlub edə biləcəyimizi düşünürəm. Azərbaycan yığması haqda geniş məlumata sahib deyiləm. Amma bu o qədər də önəm kəsb etmir. Azərbaycanı evdə məğlub etmək mümkündü".