"Zirə"nin müdafiəçisi: "Adi bir yazıda səhv o boyda komandanın əziyyətini yerə vurur"

"Bizim üçün gözlənilməz hadisə oldu. Belə işdə ciddi və məsuliyyətli olmalıyıq".

Bu sözləri Futbolxeber.az saytına açıqlamasında "Zirə"nin müdafiəçisi Adil Nağıyev deyib.

Premyer Liqanın dördüncü turunda "Səbail"lə görüşdə PFL-in əsasnaməsini pozan "Zirə"yə texniki məğlubiyyət veriləcəyi gözlənilir. Komandanına aparıcı üzvü məsələ barədə bunları deyib: "Meydanda 90 dəqiqə əziyyət çəkirik ki, nəticə qazanaq. Ancaq adi bir yazıda səhv o boyda komandanın əziyyətini yerə vurur. Məncə, güzəştə gedə bilərlər. Çünki ilk hissədə bizim oyunçu ehtiyat skamyasında olub. Ancaq ikinci yarıda tapşırıqla çıxarılıb. Bunu da nəzərə alsalar güzəştə gedə bilərlər".

"Şok deyəndə ki, hər şey normaldı. Sadəcə yaxşı hal deyil. "Neftçi" ilə qarşılaşacağıq. Onların yaxşı heyəti var, hörmətlə yanaşırıq. Ancaq biz hər oyuna üç xal üçün çıxırıq. Bu oyunda da qalib gəlməyə çalışacağıq" - deyə, Nağıyev fikirlərini yekunlaşdırıb.