“Səbail” Serbiya klubu ilə heç-heçə oynadı

Türkiyədə təlim-məşq toplanışında olan “Səbail” bu gün ikinci yoxlama oyununa çıxıb.

Futbolxeber.az saytının məlumatına görə, Samir Əliyevin komandası Serbiyanın “Napredak” klubu ilə qarşılaşıb. Matç 1:1 hesabı ilə başa çatıb. "Səbail"in qolunu 25-ci dəqiqədə Vüqar Nadirov vurub.

Serbiya Superliqasında çıxış edən "Napredak" 34 xalla 16 komanda arasında 7-ci pillədə qərarlaşıb.

Qeyd edək ki, “Səbail” ilk yoxlama matçında Ukraynanın “Çernomorets” klubu ilə qolsuz bərabərə qalıb.