“Kəpəz” braziliyalılarla müqavilə bağladı

“Kəpəz” daha iki futbolçu ilə münasibətləri rəsmiləşdirib.

Futbolxeber.az-ın klubun rəsmi saytına istinadən verdiyi məlumata görə, Gəncə təmsilçisi braziliyalı yarımmüdafiəçilər Dario Frederiko və Dieqo Souza ilə müqavilə bağlayıb.

Dario cari mövsümün sonunadək, Souza isə bir il müddətində komandada çıxış edəcək.

Xatırladaq ki, Dario Frederiko əvvəlki iki mövsümdə də “Kəpəz”də oynayıb.