"Sabah hər şey mümkündür"

"İcraiyyə Komitəsinin gündəliyini artıq açıqlamışıq. Bundan əlavə bir söz deyə bilmərəm".

Bunu AFFA-nın baş katibi Elxan Məmmədov deyib. Milli assosiasiya rəsmisi Azərbaycan yığmasının baş məşqçi postuna namizədlərlə bağlı iclasdan əvvəl danışmaq istəmədiyini diqqətə çatdırıb. O, baş məşqçi məsələsinin müzakirə olunacağını desə də, bu vəzifəyə təyinatın mümkünlüyünü istisna etməyib: "Hər şey mümkündür".

 E.Məmmədov Azərbaycanın digər yaş qrupları üzrə yığmalarında baş məşqçi məsələsini isə ilin sonunda müzakirəyə çıxaracaqlarını söyləyib. O, hələlik heç bir komandada baş məşqçi istefasının baş vermədiyini əlavə edib.

Qeyd edək ki, millinin sükanı arxasına keçməyə yeganə namizəd kimi "Qarabağ"ın baş məşqçisi Qurban Qurbanov göstərilir (sportnet.az).