"Simurq" "Dila"nı məğlub etdi

DÇ-2014-ün seçmə qrup mərhələsinin oyunları ilə əlaqədar Topaz Premyer Liqasında yaranmış fasilədən istifadə edərək Gürcüstana yollanan "Simurq" yoldaşlıq görüşünə çıxıb. Futbolxeber.az xəbər verir ki, "Simurq"un rəqibi Qori şəhərinin təmsilçisi "Dila" klubu olub. Əvvəldən sona qədər üstün oyun nümayiş etdirən sarı-qaralar qarşılaşmadan qalib ayrılıb. Zaqatala təmsilçisinin qolunu oyunun 14-cü dəqiqəsində cərimə zərbəsindən Marçin Burkhardt vurub. Bundan sonra da qarşılaşmada hesabı artırmaq üçün qol şansları düşsədə, futbolçularımız bundan yararlana bilməyib və matç bu hesablada başa çatıb.  

 

Qeyd edək ki, bu gün "Simurq" Zaqatala qayıdacaq və Topaz Premyer Liqasının növbəti turuna hazırlıqları doğma arenada davam etdirəcək. Komandanın rəqibi aprelin 30-da "Bakı" klubu olacaq.

 

"Dila" 0-1 “Simurq”

Qol: Marçin Burkhardt 14

Tengiz Burcanadze stadionu, 1000 azərkeş

Baş hakim: Xvica Qaqanidze 

 

"Simurq": 22 David Pietrzkeiviç, 4 Dilaver Zrnanoviç, 6 Anderson Oliveyra, 7 Ruslan Poladov, 13 Aleksandr Şemonayev (K), 8 Qərib İbrahimov, 9 Marçin Burkhardt, 21 Murad Səttarlı, 25 Mario Bojiç, 28 Nenad Kiso, 12 Tomislav Buşiç.

"Dila": 32 Şekriladze, 7 Aladaşvili (K), 99 Totadze, 6 Kvaxadze, 77 Qvalia , 14 Aburdcania, 12 Qoqua,  11 Kaxeleşvili, 23 Cişkriani, 20 Natan Junior, 80 Leonardo