I divizionda ən yaxşı qolu müəyyənləşdi

Azərbaycan I divizionunda fevral ayının ən yaxşı qolunun müəllifi müəyyənləşib.

Futbolxeber.az-ın PFL-in rəsmi saytına istinadən verdiyi məlumata görə, azarkeşlər, jurnalistlər və Peşəkar Futbol Liqasının əməkdaşları arasında aparılan səsvermə nəticəsində Kamil Nurəhmədov (“Mil-Muğan”) rəqiblərini qabaqlayıb.

Nurəhmədov səslərin 60 faizini toplayıb.

Azarkeşlərin səsverməsində Raul Yaqubzadə hər kəsi qabaqlayıbsa (40%), jurnalistlərin seçimində Kamil Nurəhmədov (40%) birinci olub. Azarkeşlərlə jurnalistlərin fikri üst-üstə düşmədiyindən qaydalara əsasən yekun nəticəni Peşəkar Futbol Liqası müəyyənləşdirib. PFL öz səsini Kamil Nurəhmədova (20%) verdiyinə görə futbolçu yekun nəticədə ümumi səslərin 60 faizini  toplayaraq, qalib gəlib.