"Bakı" "Rəvan"ı məğlub etdi

Milli komandaların FİFA 2014 Dünya Çempionatının seçmə oyunlaırnda iştirakı ilə əlaqədar yaranmış fasilədən yararlanan  "Bakı" bu gün səfərdə "Rəvan"la qarşılaşıb. Futbolxeber.az "Bakı"nın rəsmi saytına istinadən xəbər verir ki, "zolaqlılar" yoxlama oyununa aşağıdakı heyətdə çıxıb: Edin Nuredineski, Edemir Rodrigez, Elvin Əliyev, Əziz Quliyev, İbrahim Karqbo, Risto Ristoviç, Ferdi Elmas, Junior, Horvat, Rəhman Hacıyev, Pena Marius.

 

Oyunda hesabı "Bakı" açıb. Risto Ristoviç "Bakı"nı hesabda irəli çıxarıb. Meydan sahibləri bu qolun cavabını 11 metrlik cərimə zərbəsindən sonra veriblər. Zərbəni dəqiq yerinə yetirən "Rəvan" hesabı bərabərləşdirib. Oyunda son nöqtəni isə Rəhman Hacıyev qoyub. Onun qolu sayəsində yoxlama oyunu "Bakı"nın 2:1 hesablı qələbəsi ilə yekunlaşıb.

 

İkinci hissədə "Bakı"nın heyətində bir neçə dəyişiklik baş verib. Bojidar Bandoviç təcrübəli oyunçularla yanaşı meydana əvəzedici heyətdən cəlb etdiyi 3 futbolçu buraxıb. Aqil Məmmədov çərçivəni Nuredineskidən təhvil alıb. Aleksandar Şoliçlə bərabər Raul Yaqubzadə, Tural Qürbətov və Vadim Abdullayev oyuna qoşulublar.