“Kəpəz” azarkeşləri pankart açıb, etiraz etdilər (FOTO)

Bu gün Topaz Premyer Liqasında XIX tura start verilib. Futbolxeber.az-ın məlumatına görə, günün ikinci oyununda “Neftçi” doğma meydanda “Kəpəz”lə üz-üzə gəlir. 

 

Hazırda “Bakcell Arena”da keçirilən qarşılaşmada qonaq komandanın azarkeşləri ikiyə bölünüb. Bir qrup Gəncədən gəlib və komandanı irəliyə səsləyir. Digər tərfdə dayanan “Xəmsə” fan-klubunun üzvləri isə üzərində “Bakı derbisinə xoş gəlmisiniz” yazılan pankart açaraq klub rəhbərliyinə etiraz ediblər. Fanatlar bununla Gəncənin köklü klubu “Kəpəz”in Bakıda məskunlaşmasına etiraz ediblər. Onlar hazırda “Kəpəz” gəncəlilərindir” deyərək şüarlar səsləndirirlər.  

 

Qeyd edək ki, “Xəmsə” fan-klubu bir neçə gün öncə də komandanı boykot edərək bəyanat yaymışdılar. Həmin bəyanatda qeyd olunurdu ki,  Gəncə şəhər stadionunun, idman bazasının yararsız vəziyyətinin aradan qaldırılması istiqamətində klub rəhbərliyi tərəfindən heç bir addımın atılmaması, "Kəpəz"i faktiki olaraq Bakı klubuna çevirib.