“Azərbaycanda ancaq "Qarabağ"ın təklifinə "bəli" deyərəm”

Adı “Neftçi” ilə hallanan çexiyalı futbolçu Lukaş Droppa karyerası ilə bağlı açıqlama verib.

 

Futbolxeber.az-ın məlumatına görə, Rusiyanın “Tom” klubundan ayrılan 27 yaşlı yarımmüdafiəçi yeni komandasının adına yaxın günlərdə aydınlıq gələcəyini deyib:

 

“Azərbaycan, Türkiyə, Kipr, Rusiya və digər ölkələrdən təklif almışam. Amma adı çəkilən ölkələrdə oynamaq istəmirəm. "Neftçi"yə keçməyə çox yaxın idim. Amma araşdırdım ki, komanda hazırda sonuncu pillələrdədir. Düzdür, yaxşı pul təklif edilmişdi. Ancaq autsayder komandaya gedə bilmərəm. Azərbaycanda ancaq "Qarabağ"ın təklifinə "bəli" deyərəm. Son 2-3 gündə 7 klub təklif göndərib. Çalışacam ki, tez bir zamanda yeni komandamın adı müəyyənləşsin. Transfer məsələmin son günlərə qədər yubanmasını istəmirəm. Çexiyaya da qayıtmaq variantım var”.

 

Qeyd edək ki, Droppa Çexiya millisinin də üzvüdür.