"Azərbaycan millisi bu görüşə daha yaxşı hazırlaşıb"

Sabah dünya çempionatı 2014-ün seçmə mərhələsi çərçivəsində sabah Bakıda millimizin qonağı olacaq Lüksemburq yığmasının baş məşqçisi Luk Holtz bu gün mətbuat konfransı keçirib.Futbolxeber.az-ın məlumatına görə,  o millimizin sabah ilk dəqiqələrdən aqressiv oynayacağını bildirib: "Biz bu oyuna daha yaxşı hazırlaşa bilərdik. Ancaq heyətdə bəzi dəyişikliklər baş verdi. Bəzi futbolçularımız zədə səbəbindən sabah Azərbaycana qarşı oynaya bilməyəcəklər. Düşünürəm ki, Azərbaycan millisi bu görüşə daha yaxşı hazırlaşıb. Onlar elə ilk dəqiqələrdən aqressiv oynayacaqlar".

Qeyd edək ki, iyunun 7-də "Bakcell Arena"da keçiriləcək Azərbaycan - Lüksemburq oyunu saat 21:00-da başlayacaq.