"Simurq" baş məşqçisi ilə yeni müqavilə imzaladı

Əvəzedici heyətin baş məşqçisi və uşaq futbol məktəbinin rəhbəri Rövşən Babayev "Simurq"la olan müqaviləsinin müddətini daha bir il arıtıb. Futbolxeber.az-ın məlumatına görə, gənc mütəxəssis növbəti mövsümdə komandanın uğurları üçün çalışacaq.

Qeyd edək ki, Rövşən Babayev ötən ilin yayında "Simurq"a dəvət edilmişdi. Buna qədər isə "İnter"in uşaq futbol məktəbində fəaliyyətini davam etdirirdi. Rövşən Babayev əvəzedici heyətə təyin olunandan sonra, qısa bir zamanda, əsasən Zaqatala uşaqlarından ibarət mükəmməl heyət qurdu və "Simurq"un tarixində bir ilkə imza atdı. Onun rəhbərliyi altında komanda bu mövsüm əvəzedici heyətlərin ölkə birinciliyində gümüş medallara sahib oldu.