“Bakı”nın məşqçisi: “Kimsə fikirləşməsin ki, I divizionda hansısa oyun asan keçir”

“Turan-Tovuz”la oyunda ilk dəfə əsas meydançamızda oynayırdıq. Ona görə də meydana qələbə üçün çıxmışdıq”. Futbolxeber.az saytına müsahibəsində bu sözləri “Bakı”nın məşqçisi Qəhraman Əliyev deyib.

Təcrübəli mütəxəssis Tovuz klubunu 2:1 hesabı ilə məğlub etdikləri görüş barədə bunları söyləyib: “Matça zəif başladıq. Üstəlik, küləyə qarşı oynamaq da çətin idi. Amma fasilədən sonra komanda toparlandı. Çətin də olsa, 2 qol vurub, əzmkar qələbə qazandıq”.

Q.Əliyev növbəti turda səfərdə “Mil-Muğan”a qarşı keçirəcəkləri matçdan da söz açıb: “Çempionatdakı hər oyunumuz çətin keçir. Kimsə fikirləşməsin ki, I divizionda hansısa oyun asan keçir. “Mil-Muğan”la matç da istisna olmayacağıq. Həmin görüşə də ciddi hazırlaşacağıq. Məqsədimiz qələbə qazanmaqdı”.