“Mübariz Mənsimov daim “Xəzər Lənkəran”ın yanındadır”

“Xəzər Lənkəran”ın vitse-prezidenti Tuyqun Nadirov son zamanlar fəxri-prezident Mübariz Mənsimovun komandaya diqqətini azaltması haqda yayılan xəbərlərə münasibət bildirib. Futbolxeber.az-ın məlumatına görə, Tuyqun Nadirov Mübariz Mənsimovun daim komandaya dəstək olduğunu bildirib: “Mübariz Mənsimov daim komandanın yanındadır. O, hər zaman “Xəzər Lənkəran”la maraqlanır. Mübariz bəy tez-tez klubun prezidenti Mais Mənsimovla ünsiyyətdə olur. Bütün vacib məsələlərdə yekun qərarları Mübariz bəy qəbul edir. Klubla bağlı ən mühüm xəbərlərı hamıdan əvvəl öyrənən 2 şəxsdən biri Mübariz Mənsimovdur”.