AZAL iki futbolçu ilə müqavilə bağladı

Transfer fəaliyyətini davam etdirən AZAL heyətinə daha iki futbolçu qatıb. Futbolxeber.az-ın klubun rəsmi saytına istinadən verdiyi məlumata görə, sonuncu klubu Ukraynanın “Metalluq” (Donetsk) klubu olan Hamid Yasin dünən müqaviləyə imza atıb. 22 yaşlı hücumçu iki il müddətində AZAL-da forma geyəcək. Ukraynanın U-16, U-17 və U-18 milli komandalarının da formasını geyən Yasin misir əsilli olsa da, onun ölkəmizlə bağlılığı var. Belə ki, hazırda onun ögey atası azərbaycanlıdır. Digər futbolçu isə gürcü Aleksandr Qurulidir. Mərkəz yarımmüdafiəçisi mövqeyində çıxış edən Quruli birillik anlaşmaya imza atıb.