“Qarabağ”ın yeni transferi: “Azarkeşlər meydanda sona qədər mübarizə aparan futbolçu görəcəklər”

Migel Markos Madeyra və ya qısaca “Miçel” “Qarabağ”a keçidindən danışıb. Futbolxeber.az-ın məlumatına görə, Ağdam təmsilçisi ilə 2 illik müqavilə imzalayan ispan yarımmüdafiəçi klubun rəsmi saytına açıqlamasında bunları deyib:

“Qarabağ”a keçməmişdən öncə təbii ki, klub haqqında maraqlandım. Son 2 ildə çempion olmaları, Avropa liqasında uğurlu çıxış komandanın hədəflərindən xəbər verir. Belə tanışlarım vasitəsiylə də komanda haqqında məlumat topladım. Müsbət rəy verdilər. Komandanın bazasıyla, futbolçularla tanış oldum. Hər şeyin çox yaxşı olduğunu deməliyəm. Olduqca mehriban kollektiv var. “Qarabağ”da oynamaqla komandaya faydalı olmaq istəyirəm. Azarkeşlərə demək istədiyim odur ki, meydanda sona qədər mübarizə aparan futbolçu görəcəklər. Komandamın uğurlarında payım olmaq üçün əlimdən gələnin ən yaxşısını etməyə çalışacam”.