Yaşar Vahabzadə: “Futbolçular bacardıqlarını etdilər”

“Avstriya ilə oyunla müqayisədə komanda istəkli idi, mübarizə aparırdı. Amma Almaniya millisi dünyanın ən güclü yığmalarından biridir. Bu ölkənin bütün aşağı yaş qrupları üzrə milliləri eyni sistemlə oynayır”. Futbolxeber.az-ın məlumatına görə, bu sözləri Almaniya ilə oyundan sonra 21 yaşadək futbolçulardan ibarət yığmamızın baş məşqçisi Yaşar Vahabzadə deyib.

Təcrübəli mütəxəssis futbolçular öz üzərində daha çox çalışmalı olduğunu bildirib: “Güclü rəqibə qarşı oynamaq çətin idi. Üstəlik, birinci hissənin sonunda azlıqda qaldıq. Futbolçular bacardıqlarını etdilər. Sona yaxın 2 qol buraxmağımız da yorğunluqdan irəli gəlirdi. Oyunçular psixoloji cəhətdən hazırlıqsız deyildilər. Sadəcə, bütün kriteriyalarda öz üzərlərində çalışmalıdırlar. Fiziki durum yaxşı olanda hərəkətlilik də olur, topla da rahat hərəkət edirsən. Hücumda çətinliyimiz var. Mərkəz hücumçumuz yoxdur. Ona görə də Orxan Əliyevi bu gün hücumun mərkəzində oynatdıq. Halbuki o sırf hücumçu deyil”.