“Zirə”dən açıqlama: Nurlan Novruzov təxminən 2-3 həftəyə komandaya qoşulacaq

“Zirə”nin “Bakı” ilə yoxlama oyununda (4-0) komandanın hücumçusu Nurlan Novruzov zədələnərək meydanı tərk edib. Futbolxeber.az-ın məlumatına görə, bununla bağlı klubun rəsmi saytında yer alan xəbərdə deyilir:

- Son iki gündə bununla bağlı mətbuatda bir çox xəbərlər yer alıb. “Zirə” Peşəkar Futbol Klubu olaraq ictimaiyyətə dəqiq məlumat vermək üçün futbolçunun müayinədən tam keçməsini gözlədik. Ötən gün Nurlanın ayağında şiş çox olduğuna görə həkimlər konkret söz deyə bilməmişdi. Bu gün isə Novruzov MRT müayinəsindən keçib və topuğ bağında yırtıq aşkarlanıb. Hücumçumuzun ayağının sınması ilə bağlı məlumatlar isə həqiqəti əks etdirmir. Həkimlər Nurlan Novruzovun təxminən 2-3 həftəyə fərdi məşqlərə başlaya biləcəyini deyib.