Qrankvist: “Qəbələ”ni tanımıram”

Avroliqanın qrup mərhələsində “Qəbələ”nin rəqibi olan “Krasnodar”ın müdafiəçisi Andreas Qrankvist püşküt nəticəsini dəyərləndirib. Futbolxeber.az-ın məlumatına görə, o, təmsilçimiz haqda məlumatsız olduğunu qeyd edib: “Yaxşı qrupa düşdüyümüzü düşünürəm. Dortmund “Borussiya”sına qarşı oynamaq əla olacaq. PAOK da Yunanıstan klubudur. Almanlar kimi yunanlar da öz komandalarına möhtəşəm dəstək verirlər. O ki qaldı “Qəbələ”yə, düzünü deyəcəyəm, Azərbaycan klubunu demək olar ki, tanımıram. İstənilən halda qrupda maraqlı mübarizə gedəcək. Düşünürəm ki, növbəti mərhələyə adlamaq üçün yaxşı şansımız var”.