Cavid Hüseynov: “Ayağımızın altında sürünürdülər”

“90 dəqiqə ərzində oyunda diqtə edən tərəf biz idik. Ayağımızın altında sürünürdülər”. Futbolxeber.az-ın Qəbələyə ezam olunmuş əməkdaşına verdiyi açıqlamada bu sözləri “Qəbələ”nin kapitanı Cavid Hüseynov deyib.

Tiflis “Dinamo”suna qalib gəldikləri oyun haqda danışan Hüseynov, səfərdə bəxtsizlik səbəbindən yenildiklərini vurğulayıb: “Tiflisdə bəxt hesabına əlimizdən çıxdılar. Amma bu dəfə istəyimizə çatdıq. Komanda yeni formalaşdığı üçün səfərdə məğlub olmuşduq. Bu gün kimin kim olduğunu sübut etdik. Bütün Azərbaycan gördü ki, gürcüləri nə kökə saldıq”.

Hüseynov bayraq qalmaqalının komandanın motivasiyaslına müsbət təsir etdiyini bildirib: “Bütün diqqətimizi oyuna yönəltmişdik və yalnız matç sona çatdıqdan sonra tribunalarda baş verənlərdən xəbər tutdum. Təbii ki, bu məqam motivasiyamızı artırdı. Bu gün triubanalarda yaşananlardan xəbərsizəm. Çünki bütün diqqətimizi oyuna yönəltmişdim”.