Gürcü jurnalist: “Əsl kişi heç vaxt bayrağı təhqir etməz”

“Bizi çox gərgin oyun gözləyir. İlk oyunda həm “Dinamo”nun, həm də “Qəbələ”nin sərgilədiyi oyundan razı qaldım”. Futbolxeber.az-ın Qəbələyə ezam olunmuş əməkdaşına verdiyi açıqlamada bu sözləri “Rustavi 2” kanalının əməkdaşı David Eradze deyib.

Gürcü jurnalist Tiflisdə baş tutan oyundan sonra yaşanan bayrağ qalmaqalına da toxunub: “Mən həmin hərəkəti edənlərə haqq qazandıra bilmərəm. Onlar əclafdırlar. Əsl kişi heç vaxt bayrağı təhqir etməz. Davanı anlamaq olar. Dünyanın hər bir yerində futbol matçları zamanı dava düşür. Amma bayrağı, gerbi təhqir etmək düzgün deyil”.