“İnter”in qələbəsinə şahid olan hakim “Neftçi”nin oyununda

Avroliqanın birinci təsnifat mərhələsinin cavab oyunları çərçivəsində keçiriləcək “Mladost” - “Neftçi” görüşünü şotlandiyalı Kevin Klenci idarə edəcək. Futbolxeber.az-ın məlumatına görə, şotland hakim 2012-ci ildən FİFA referisi statusunu daşıyır. O, azərbaycanlı futbolsevərlərə tanışdır. Belə ki, 3 il əvvəl Klenci Avroliqanın birinc təsnifat mərhələsinin cavab görüşü çərçivəsində Bakıda baş tutan “İnter” - “Trans” (Estoniya) matçını idarə edib. Həmin görüş “İnter” 2:0 hesablı qələbə qazanıb.

2 il əvvəl isə Klenci 17 yaşadək futbolçular arasında Avropa çempionatının seçmə mərhələsində yığmamızın İspanyaya qarşı keçrdiyi oyunu idarə edib. Həmin görüş U-17 millimizin 0:2 hesablı məğlubiyyəti ilə tamamlanıb.