“Qarabağ” daha bir aparıcı üzvü ilə yollarını ayırdı

Leroy Corc, Muarem Muarem, Vüqar Nadirov kimi futbolçuları ilə vidalaşan “Qarabağ” daha bir aparıcı üzvü ilə yollarını ayırıb. Futbolxeber.az-ın “Futbol+” qəzetinə istinadən verdiyi məlumata görə, Ağdam klubu uzun illərdi Qurban Qurbanovun rəhbərlik etdiyi məşqçilər korpusunda yer alan Çudomir Çakarovla vidalaşıb. Buna səbəb bolqar mütəxəssisin səhhətində yaranan problemlərdi.

Artıq Çakarovun əvəzləyicisi də bəllidir. Bundan sonra “Qarabağ”ın fiziki hazırlığına daha əvvəl “Neftçi”də çalışmış Ruben Selles nəzarət edəcək.

Qeyd edək ki, Çakarov ölkəmizdə ilk olaraq “Bakı”da çalışıb. O, Coko Haciyevski ilə birgə “zolaqlılar”la yanaşı, milli komandamızda da işləyib. Daha sonra Hacıyevski “Bakı”nı tərk etsə də, Çudo ölkəmizdən ayrılmayıb və “Qarabağ”a üz tutub.