Con Toşak Lənkəranda coşqu ilə qarşılandı

"Xəzər Lənkəran"ın yeni baş məşqçisi Con Bencamin Toşak dünən keçirilən mətbuat konfransından sonra dərhal Lənkərana yola düşdü. Futbolxeber.az klubun rəsmi saytına istinadən xəbər verir ki, bir qrup azarkeşlər çalışdırıcını hələ Masallıda gözləyirdi və məşqçinin maşını ora çatdıqda öz maşınları ilə ona qoşulub kortej şəklində Lənkəranacan müsayiət etdilər. Əsas qarşılama mərasimi isə Lənkəran şəhərinin girəcəyində baş tutdu. Azarkeşlər mütəxəssisi böyük sevinclə qarşıladılar və gələcək işində müvəffəqiyyətlər arzuladılar.