"Rəvan"ın istirahəti başa çatdı

Topaz Premyer Liqasının 23-cü turu çərçivəsində "Xəzər Lənkəran”ı minimal hesabla məğlub edən "Rəvan”ın futbolçularına istirahət verilmişdi. Futbolxeber.az klubun rəsmi internet saytına istinadən xəbər verir ki, artıq 4 günlük "sərbəst qrafik” başa çatıb və komanda yenidən hazırlıqlara başlayıb.

Hazırlıqları ənənvi olaraq "Bayıl Arena”da keçirən "Rəvan" dünən 1 məşqlə kifayətlənmişdisə, bu günə 2 hazırlıq nəzərdə tutulub. Artıq səhər saatlarında "Rəvan”lı futbolçular fiziki hazırlıqları üzərində işləyib. Belə ki, komanda üzvləri trenajor-zalda əzələ qüvvəsini artırmağa çalışıb. Axşam saatlarında isə meydançada hazırlıq olacaq. Məşqlərdə milli komandalarının şərəfini qorumaq üçün vətənlərinə yola düşən Samuel Barlay və Maindauqas Kalonasdan başqa, hamı iştirak edir.