Böyükağa Hacıyev: "Hava şəraiti imkan vermədi ki..."

"Bu gün hava şəraiti imkan vermədi ki, istədiyimiz oyunu sərgiləyək. Küləyə görə futbolçularıma tapşırıq vermişdim ki, qısa ötürmələrlə oynasınlar. Amma istəyimiz alınmadı". Futbolxeber.az xəbər verir ki, bu sözləri "Bakı" ilə oyundan sonra "Neftçi"nin baş məşqçisi Böyükağa Hacıyev deyib.

Təcrübəli mütəxəssis Bahadır Nəsimov haqda da danışıb: "Mən də çox istərdim ki, Bahadıra şans verim. Məndən olsa, meydana 2 hücumçu buraxaram. Amma təəssüf ki, Bahadır indi heç də yaxşı formada deyil. Kaş ki, dünən onun əvəzedicilərin heyətindəki oyununu izləyərdiniz. O zaman nəyə görə ona şans vermədiyimi anlayardınız".