“Qarabağ” Avropada 164-cüdür

Çempionlar Liqası və Avroliqanın qrup mərhələsində baş tutan üçüncü turun oyunlarından sonra UEFA klubların yeni breytinq cədvəlini açıqlayıb. Futbolxeber.az-ın məlumatına görə, 454 klubun adının yer aldığı siyahıda 7 Azərbaycan təmsilçisi də yer alıb. Təmsilçilərimiz arasında ən yaxşı nəticə artıq “Qarabağ”a məxsusdur. Ağdam təmsilçisi səfərdə “Dnepr”i məğlub etməklə “Neftçi”ni sıralamda geridə qoyub. Hazırda “Qarabağ” sıralamda 164-cüdür. Ağdamlıların aktivində 9,400 reytinq balı var. “Neftçi” isə 8,900 xalla 177-ci yeri tutur.

Digər klublarımıza gəldikdə, “İnter” qitə kuboklarının reytinqində 270-ci, “Xəzər Lənkəran” 298-ci, “Bakı” 340-cı, “Qəbələ” və AZAL isə 363-cü yerdə qərarlaşıblar.