Qurban Qurbanov: “Ən azından məğlub olmadıq”

"Hücumda oynasaq da, komandamızın müdafiəsindən daha çox razı qaldım. Oyunda qol çatışmadı”. Futbolxeber.az-ın Futbol11.az-a istinadən verdiyi məlumata görə, bu sözləri “Sent Etyen”lə oyundan sonra “Qarabağ”ın baş məşqçisi Qurban Qurbanov deyib.

Təcrübəli mütəxəssis rəqibin də gözəl oyun sərgilədiyini burğulayıb: “Rəqibimiz də gözəl futbol nümayiş etdirdi. İstərdim ki, qol vurulsun və azarkeşlərimiz də sevinsin. Amma, ilk xalımızı qazandıq. Həm futbolçulara, həm də azarkeşlərimizə “çox sağ ol” deyirəm. Bu gün bir daha güclü millət olduğumuzu hiss etdim. Meydanda bayrağın dalğalanması çox xoş idi. Həmkarıma da qarşıdakı oyunlarda uğur arzulayıram”.

Qurbanov komandasının daha çox hücum etdiyini vurğulayıb: “Rəqibin əks hücümü daha çox mərkəzdən başladığı üçün, Reynaldo müdafiəyə də köməklik edirdi. Hücumda olan tərəfin daha çox biz olduğumuzu düşünürəm. Əgər belə davam etsək, 3 xal daha gələcək. Bir xal da yaxşıdır. Ən azından məğlub olmadıq. İlk düşündüyümüz məğlub olmamaq, sonra isə qələbə qazanmaq idi. Qazandığımız xal öz yerində, amma, komandanın oyunundan, hər bir futbolçudan ayrı-ayrılıqda razı qaldım”.