“Sent Etyen”in baş məşqçisi: “Qarabağ” haqda fikirlərim dəyişdi”

“Komandamın oyunundan razıyam. Tez-tez hücum edirdik. Heç bir zonada səhvə yol vermədik. Müdafiədə işimiz çətin idi. Buna görə də əsasən arxa xəttə fikir verirdik”. Futbolxeber.az-ın Azerisport.com-a istinadən verdiyi məlumata görə, bu sözləri “Qarabağ”la oyundan sonra “Sent Etyen”in baş məşqçisi Kristof Qaltye deyib.

O, Ağdam klubunun da qrupda favorit olduğunu qeyd edib: “Qol buraxmamağımız bizim üçün uğurdu. Fransada daha yaxşı oynamağa çalışacağıq. Bu oyundan sonra “Qarabağ” haqda fikirlərim yaxşı mənada dəyişdi. “İnter” hələ də qrupun favoritidir. Qurban Qurbanovun taktiki sxemlərindən sonra anladım ki, “Qarabağ” da bu qrupun favoritlərindən biridir”.