Sənan Şəfizadə: "Qarabağ" tarixinin ən vacib oyunlarından birində tarix yazmağı bacaracaq"

Tanınmış jurnalist, “ATV” telekanalının əməkdaşı Sənan Şəfizadə “Qarabağ”ın bu gün Çempionlar Liqasının üçüncü təsnifat mərhələsinin cavab oyunu çərçivəsində “Zalsburq”a qarşı keçirəcəyi oyun haqda danışıb. Futbolxeber.az-ın məlumatına görə, Şəfizadə bunları deyib: "Qarabağ"da ab-hava yaxşıdır. Avropada yaşayan azərbaycanlılar da komandamıza dəstək olur və buna sevinməmək olmaz. Bakıdan məhz "Qarabağ"a görə gələn azarkeşlər var. Məlumat üçün bildirim ki, bu dəqiqəyə qədər oyuna 19 min bilet satılıb. Zalsburqda yaşayan türklər də stadiona gələrək "Qarabağ"a dəstək olacaq. Oyunun əhəmiyyəti haqqında danışmağa ehtiyac yoxdur. Hamı bilir ki, bizə sərfəli nəticə lazımdır. Komandada olan ab-hava futbolçuların tarix yazmağa hazır olduğunu göstərir. Matçda 600-a yaxın həmyerlimiz bizə dəstək olacaq. Məncə, "Qarabağ" tarixinin ən vacib oyunlarından birində tarix yazmağı bacaracaq".