“Xəzər Lənkəran” AZAL-la oyunun hazırlıqlarını davam etdirir

Azərbaycan Premyer Liqasının yeni mövsümünün açılış turunda səfərdə AZAL klubunun qonağı olacaq “Xəzər Lənkəran” hazırlığını paytaxtda davam etdirir. Futbolxeber.az-ın klubun rəsmi saytına istinadən verdiyi məlumata görə, Lənkəran təmsilçisi artıq 4 gündür ki, məşqlərini Bakıda keçirir. Dünən “Dalğa Arena”da baş tutan axşam məşqində futbolçular məşqçilər korpusunun verdiyi müxtəlif toplu çalışmaları yerinə yetirib və saat yarım davam edən hazırlıq yüksək əhval-ruhiyyə fonunda yekunlaşıb. Məşqlərdə bütün futbolçuların iştirak etməsi, zədəli futbolçunun olmaması məşqçilər korpusunu sevindirən başlıca məqamdir. “Xəzər Lənkəran” avqust ayının 8-də matçın keçiriləcəyi saatda, ”AZAL Arena”da oyunöncəsi son məşqini keçirib matç saatını gözləyəcək.